Hødd tek seg vidare til 2. runde etter nervepirrande drama i Brattvåg. Det stod 1-1 etter ordinær tid etter at Rossi scora for heimelaget tidleg i 1. omgang og Skjold utlikna for Hødd heilt mot slutten. I ekstratida hadde laga kvar sin omgang, men utan at det resulterte i verken mål eller store sjansar. I straffesparkkonkurransen putta laget frå Ulsteinvik alle sine, og ekstra sprekt var det at den unge keeperdebutanten Peder Lervik opna det heile med å banke inn det første. Dessverre for Brattvåg bomma Myers, og Hødd-kaptein Kallevåg fekk setje inn den avgjerande. Heimelaget kan uansett vere strålande fornøgde med prestasjonen i dag, for dei var minst like gode som Hødd.